Gonzalo Jorge de Saa, usuario da asociación APAMP de Vigo, resultou gañador do concurso ao presentar un collage feito con anacos de diferentes tipos de papel

    A Federación ASPACE-Galicia felicitará de xeito institucional o Nadal coa postal ‘Navidad en papel’, de Gonzalo Jorge de Saa, usuario da asociación APAMP de Vigo.

Collage hecho con trozos de papel

Logo do concurso-exposición de postais de Nadal que percorreu tódalas asociacións membro da Federación durante as últimas semanas, os votantes escolleron o boneco de neve como a postal idónea para felicitar as festas.

Gonzalo Jorge de Saa, usuario de APAMP, unha das asociacións adscritas á Federación, resultou gañador deste II Concurso de Tarxetas de Nadal 2010 co seu collage ‘Navidad en papel’, feito con papel reciclado e papel artesán de celulosa. Ademais de ser imaxe da Federación neste Nadal, o gañador recibirá como agasallo un lote de libros de Kalandraka, que a editorial doou á Federación para esta finalidade.

A postal gañadora foi escollida entre as 77 participantes e contou con 32 dos 126 votos válidos emitidos. O concurso-exposición de Tarxetas de Nadal ten como obxectivo recoñecer o traballo das persoas con parálise cerebral e achegalo á sociedade e o éxito da iniciativa estase a ver ano tras ano cun aumento de participantes e tamén de votantes.

Comparte esta noticia en tus Redes Sociales
Share on Facebook
Facebook
Tweet about this on Twitter
Twitter
Share on LinkedIn
Linkedin