O prazo de solicitude estará activo ata o 30 de setembro

A Secretaría de Estado de Educación vén de facer pública a convocatoria de becas e axudas ao estudio para alumnas e alumnos con necesidade específica de apoio educativo durante o vindeiro curso escolar 2021-2022.

A resolución recoñece a necesidade de “especial protección” a escolares que precisen un apoio educativo determinado, ben por estar derivado dunha “discapacidade da que resulte a necesidade de recibir educación especial, ben debido a unha alta capacidade intelectual que necesite actividades complementarias á formación regrada”.

É por isto que a convocatoria distingue entre axudas directas, subsidios por necesidades educativas especiais e axudas para programas específicos complementarios, ao tempo que establece os seguintes beneficiarios e beneficiarias:

– Alumnado que presente necesidade específica de apoio educativo derivada de discapacidade ou transtornos graves de conduta ou trastorno grave da comunicación e da linguaxe.

– Escolares con Trastorno do Espectro Autista (TEA).

– Alumnos e alumnas con necesidade específica de apoio educativo asociado a altas capacidades.

Cada tipo de beneficiario leva asociada unha serie de requisitos en canto a idade, modalidade de familia, documentación de soporte e niveis educativos exixidos.

A convocatoria tamén inclúe un conxunto de exixencias de carácter económico, xa que non se poderán sobrepasar os umbrais establecidos de renta e patrimonio.

O prazo de solicitude das axudas estará vixente desde o 3 de agosto ata o 30 de setembro e poderá realizarse por internet no inderezo www.educacionyfp.gob.es ou a través da sede electrónica do Ministerio de Educación y Formación Profesional na páxina https://sede.educacion.gob.es

Toda a información, requisitos, clases e cuantías das axudas, así como o procedemento de solicitude, na documentación adxunta ao final desta nova.

Convocatoria NEAE curso 2021-2022

Anuncio 34666 BOE nº 183 de 2021

Comparte esta noticia en tus Redes Sociales
Share on facebook
Facebook
Share on twitter
Twitter
Share on linkedin
Linkedin
Share on whatsapp
Whatsapp