O club Let Padel Ames acollerá a partir do próximo domingo a proba do circuíto galego de pádel solidario organizado por ASPACE-Galicia (Federación Galega de Parálise Cerebral)

Recadar fondos para o financiamento dos programas e servizos para o colectivo de persoas con parálise cerebral de Galicia é o obxectivo do torneo de pádel que se celebrará a partir do próximo domingo nas pistas do club Let Padel Ames (Bugallido).

Este torneo é a primeira proba do circuíto galego de pádel solidario, organizado por ASPACE-Galicia, que percorrerá diversas cidades galegas nos próximos meses.

A competición está aberta a todos aqueles que queiran participar: tanto afeccionados como profesionais. O torneo conta coas categorías masculina, feminina, mixta e empresas.

As inscricións teñen un custo de 15 euros por persoa e pódense realizar online a través da web www.doblered.es. Con cada inscrición farase entrega dunha camiseta conmemorativa e un bono spa para dúas persoas no Hotel Spa Vilavella.

Comparte esta noticia en tus Redes Sociales
Share on facebook
Facebook
Share on twitter
Twitter
Share on linkedin
Linkedin
Share on whatsapp
Whatsapp