Usuarios, profesionais e familias de todos os centros da asociación, reuníronse en Lourizán para despedir o curso escolar

Como vén sendo habitual nestas datas, a asociación Amencer-ASPACE organizou a súa tradicional xornada de convivencia no centro integral de Lourizán.

Usuarios, profesionais e familias de todos os centros que a asociación xestiona na provincia reuníronse para despedir o curso e dar a benvida ás vacacións de verán. Ao longo da xornada os asistentes puideron desfrutar de numerosas actividades de ocio, entre elas un concurso-degustación de postres elaborados polas propias familias e a proxección dunha reportaxe sobre a entidade elaborada pola canle de televisión online Ponte.tv.

Os asistentes desfrutaron tamén dunha comida de convivencia e dunha feira de oportunidades, onde puideron adquirir numerosos artigos. Sen dúbida, unha xornada divertida e inolvidable.

Comparte esta noticia en tus Redes Sociales
Share on Facebook
Facebook
Tweet about this on Twitter
Twitter
Share on LinkedIn
Linkedin