Deportistas de toda Galicia disputarán a final mañá no Pavillón deportivo de Navia. Os gañadores clasificaranse para o Campionato de España

 A cidade de Vigo acollerá mañá sábado, 28 de maio, a última xornada da Liga Galega de Boccia organizada polo club vigués TAMIAR-APAMP.

Liga gallega de Boccia

Un total de 30 deportistas dos clubs ADM (Ferrol), ASPACE-Coruña, TAMIAR-APAMP (Vigo) e AIXIÑA (Ourense) daranse cita no Pavillón deportivo de Navia Pahino (Urbanización Navia, r/Lamelas, s/n, Vigo) para disputar a gran final do campionato autonómico.

A xornada desenvolverase de 10.00 a 14.00 horas e de 16.00 a 19.00 horas, realizando unha pausa para a comida. Ao finalizar a actividade deportiva realizarase a entrega de trofeos aos primeiros clasificados.

Esta última xornada é decisiva para os deportistas, porque xogan o acceso ao Campionato de España, por iso a organización anima a todos os interesados a asistir a esta derradeira xornada para que os deportistas se sintan arroupados e poidan gozar da calor do público vigués.

Comparte esta noticia en tus Redes Sociales
Share on Facebook
Facebook
Tweet about this on Twitter
Twitter
Share on LinkedIn
Linkedin
Share on Whatsapp
Whatsapp