O equipo do Programa de Vacacións adaptou a convocatoria ás expectativas e necesidades das persoas con parálise cerebral e ás asociacións confederadas.
Arredor de 730 persoas compartirán espazos de lecer e tempo libre grazas ás 36 quendas de vacacións que organiza a Confederación ASPACE a través do seu Programa de Vacacións de xuño a decembro deste ano. Na pasada convocatoria, unhas 1.000 persoas fóronse de vacacións a través das 46 quendas programadas pola entidade.
A Confederación ASPACE deu luz verde á convocatoria do Programa de Vacacións, correspondente ao período de xuño a decembro de 2011. Estímase que 730 persoas -beneficiarios, monitor e coordinador-, procedentes de 13 comunidades autónomas, irán de vacacións grazas ás 36 quendas programadas a Península e Illas e outra prevista á Unión Europea.
Deles, a Confederación ASPACE executa 17 e as asociacións, outros 18 e estase valorando realizar un no marco do Programa de Turismo Cultural da Unión Europea.
O equipo do Programa de Vacacións adaptou a convocatoria ás expectativas e necesidades das persoas con parálise cerebral e ás asociacións confederadas. Deste xeito, as persoas do colectivo, de 35 asociacións, acompañados por monitores e coordinadores, coñecerán novos destinos na Península (29 quendas), Illas (5) e estase a valorar un destino a unha cidade europea.
Con respecto á convocatoria do ano pasado, faltan catro quendas por executar grazas ás cales 150 persoas -beneficiarios, monitor e coordinador- gozarán de vacacións a Asturias (dúas quendas), Castelló (unha) e Roquetas de Mar (unha).
A través do Programa de Vacacións, financiado polo IMSERSO, as persoas con parálise cerebral melloran en benestar, participan en espazos de lecer normalizado, poténciase a visibilidade do colectivo e o respiro das familias. Por iso, a Confederación ASPACE é referente para outros colectivos da discapacidade no que respecta ao lecer e o tempo libre.
