Baixo o lema “Ocio e Cultura sen barreiras”, esta iniciativa pretende facer máis visible o traballo das persoas con discapacidade das asociacións da cidade
ASPACE-Lugo colaborou por primeira vez este ano neste mercado, onde contou cunha caseta dente a que se deu a coñecer o traballo desenvolvido pola entidade coas persoas con parálise cerebral á sociedade luguesa.
Fíxose especial fincapé no labor que ASPACE-Lugo está levando a cabo no campo da estimulación e a fisioterapia.
Esta iniciativa, que tivo lugar entre os días 15 e 17 de decembro na Praza Maior, forma parte das actividades organizadas polo Concello de Lugo e unha vintena das asociacións da cidade para facer máis visible o traballo das persoas con discapacidade e acadar que as desigualdades deixen pouco a pouco de existir.
No mercado véndense tamén obxectos que realizan os membros destas asociacións, que representan a colectivos con diferentes discapacidades. Os visitantes puideron adquirir unha ampla variedade de artigos de artesanía que se converten ano a ano nunha excelente opción como agasallos de Nadal.