A raíz das medidas anunciadas polo Presidente do Goberno, José Luís Rodríguez Zapatero, a Federación Galega de Asociacións de Atención a Persoas con Parálise Cerebral (ASPACE-Galicia) manifesta o seu total desacordo co recorte na cobertura da Lei da Autonomía Persoal e Atención á Dependencia e a supresión dos efectos retroactivos das prestacións económicas da Lei.

Con esta medida adoptada polo Goberno, prexudícase a un amplo colectivo de usuarios e beneficiarios desta Lei que están esperando dende fai meses un recoñecemento dos seus dereitos, que non se produciu debido á lentitude coa que as comunidades autónomas teñen abordado a tramitación das axudas recoñecidas en dita Lei.

Dende Federación ASPACE-Galicia defenderemos os dereitos adquiridos e consolidados polos beneficiarios da Lei e agardamos que este recorte non afecte ás solicitudes das persoas en situación de dependencia que se realizaron con anterioridade á modificación legal presentada, dado que atentaría de maneira moi grave contra os seus dereitos.

Comparte esta noticia en tus Redes Sociales
Share on facebook
Facebook
Share on twitter
Twitter
Share on linkedin
Linkedin
Share on whatsapp
Whatsapp