ASPACE-Galicia trasladou ao Conselleiro de Política Social, as necesidades do colectivo das persoas con parálise cerebral

A Xunta Directiva de Federación ASPACE-Galicia foi recibida onte polo Conselleiro de Política Social, José Manuel Rey Varela, e pola Directora Xeral de Maiores e Persoas con Discapacidade, María Amparo González Méndez.

Entre as cuestións a tratar atópanse:

  • A necesidade de ampliar as prazas de atención de día e residencial, específicas para persoas con parálise cerebral, nas diferentes asociacións que forman parte de Federación.
  • A importancia de buscar novos mecanismos de financiación para o transporte porta a porta, que as asociacións de Federación realizan a diario para trasladar aos usuarios das súas casas ao centro e viceversa. Este servizo de transporte presenta unha serie de aspectos diferenciais que aumenta considerablemente o seu coste.
  • Recibir información actualizada sobre o estado de aspectos de gran interese para o colectivo, actualmente en proceso de revisión, como a xestión do 0,7% do IRPF, que a partires do 2017 será xestionado nun porcentaxe elevado polas comunidades autónomas, ou a aplicación do copago.

Federación ASPACE-Galicia trasladoulle ao Conselleiro de Política Social, o agradecemento pola cesión da administración autonómica dun novo local para ASPACE Lugo, asociación membro da Federación.

Comparte esta noticia en tus Redes Sociales
Share on facebook
Facebook
Share on twitter
Twitter
Share on linkedin
Linkedin
Share on whatsapp
Whatsapp