Deputación de Pontevedra apoia o proxecto de Federación ASPACE-Galicia, unha aplicación informática que favorezca a accesibilidade e a usabilidade das TIC para favorecer a comunicación, o acceso ás novas tecnoloxías e a interacción co medio dixital das persoas con Parálise Cerebral.

A aplicación permitirá a creación de taboleiros personalizados aos que se lles asignará diferentes funcións, de acordo coas capacidades e  as necesidades físicas, psíquicas ou sensoriais de cada usuario: acceso a Internet, comunicador, reproductor de vídeo e música, manexo de redes sociais, así como o visionado de imaxes, entre outras posibilidades. A existencia dos sistemas alternativos e aumentativos de comunicación favoreceron a reducción ou incluso a desaparición das dificultades para comunicarse das persoas con Parálise Cerebral.

A aplicación está creada con software libre, de maneira que permita incorporar novas funcionalidades en función das necesidades do colectivo. O programa está diseñando para ser empregado co sistema operativo Windows, para ordenador como para tablet, e para Android, teléfonos ou tablets, permitindo a interactividade entre as dúas plataformas. Podríanse intercambiar os taboleiros confeccionados entre os sistemas operativos descritos, conservando as súas características entre ambos sistemas.

Deputación de Pontevedra colabora na execución deste proxecto a través da convocatoria de subvencións dirixidas ás entidades sen ánimo de lucro para actuacións no ámbito dos servizos sociais 2016.

Comparte esta noticia en tus Redes Sociales
Share on Facebook
Facebook
Tweet about this on Twitter
Twitter
Share on LinkedIn
Linkedin