Malia que a pandemia obrigou a suspender as clases entre marzo e decembro, e a reorganizaren a metodoloxía, os/as trece alumnos/as inscritos/as conseguiron rematar a formación

Somos imparables, segundo di o noso lema, e, neste caso, non podería ter sido máis certo. A emerxencia creada polo COVID-19 supuxo un freo ao curso e unha revisión á maneira de impartir o contido para adaptalo ás normas sanitarias vixentes, pero non mermó o interés nin a motivación por adquirir tódolos coñecementos que estaban programados dende o inicio. Os/as trece estudantes inscritos/as, cunha gran capacidade de adaptación á “nova normalidade”, recibirán próximamente o seu diploma.

O curso de auxiliar de conserxe, organizado por Federación ASPACE Galicia e impartido na Asociación de Familias de Persoas con Parálise Cerebral (APAMP), con sede en Vigo, organizouse ao redor de cinco módulos de coñecemento. Tres deles – Seguridade e hixiene no traballo, Servizo de Conserxería e Habilidades Sociais enfocadas ao cliente – lograron impartirse con normalidade segundo a programación ata o mes de marzo de 2020. Os dous últimos – Comunicación e arquivo, e Recepción e emisión de chamadas-, sufriron modificacións para poder adaptarse aos protocolos sanitarios en vigor, non só a nivel metodolóxico, senon tamén físico. Por unha banda, o curso pasou a impartirse de xeito semipresencial, e, por outra, divisiuse o grupo en dúas unidades formativas paralelas, unha con sede no Centro de día de APAMP e outra na residencia da mesa entidad, ambas en Vigo.

Malia os retos que supuxo o aumento da exixencia tecnológica e dixital, e a necesidade dun maior recurso humano e técnico, as clases finalizaron cumprindo os obxectivos e o programa previstos. Parabéns aos/as novos/as auxiliares de conserxe!

O curso de auxiliar de conserxe de Federación ASPACE Galicia foi posible grazas ao apoio de #InsertaEmpleo (Por Talento) de Fundación ONCE.

A iniciativa forma parte da estratexia de inserción laboral para persoas con parálise cerebral e/ou patoloxías afíns que Federación ASPACE Galicia vén implementando desde 2006. Para máis información sobre o programa de orientación laboral, contacta con Ángeles Lema en orientacion@aspacegalicia.org

Se queres coñecer que máis facemos na área laboral, preme aquí.

Comparte esta noticia en tus Redes Sociales
Share on Facebook
Facebook
Tweet about this on Twitter
Twitter
Share on LinkedIn
Linkedin
Share on Whatsapp
Whatsapp