Despois de pasar por Vigo e Coruña, a formación sobre “Alimentación segura e eficaz” organizada por Federación ASPACE GALICIA en colaboración coa Escola Galega de Saúde para cidadáns, chega agora a Ourense
Despois das sesións en Vigo e Sada (A Coruña) os nosos profesionais desprazáronse a Ourense, esta vez nas instalacións da Asociación AIXIÑA. Logopedas, nutricionistas e fisioterapeutas das asociacións membro da Federación ASPACE GALICIA imparten esta formación presentando o tema da alimentación en persoas con parálise cerebral, con dificultades de deglución ou problemas de disfaxia, dende diferentes perspectivas profesionais así como dende as súas diversas experiencias laborais. Coñecer qué é a disfaxia ou cómo texturizar un alimento son algunhas das claves que se desenvolverán durante a tarde.
Aínda hai dúas datas dispoñibles máis para participar nos obradoiros de Alimentación segura e eficaz, o 21 de febreiro en Pontevedra (para este obradoiro xa non hai prazas dispoñibles) e Lugo o 28 de febreiro. Más información e inscricións: https://bit.ly/2tvVH4w
