Asinado o convenio de ASPACE Galicia coa consellería de Política Social

Federación Aspace Galicia recibirá 89.250 euros para desenvolver as súas actividades

Mónica Touriño Soto, presidenta de Aspace Galicia, asistiu o venres ao acto de firma do convenio de colaboración coa consellería de Política Social xunto co resto de representantes de entidades CERMI de Galicia. Grazas a estes fondos Aspace Galicia pode desenvolver diferentes programas e actividades a través das súas 4 asociacións (Aspace Coruña, Aspace Lugo, Amencer Aspace e APAMP) que desempeñan labores de servizo e apoio ás persoas con parálise cerebral asi como aos seus familiares en todos os seus centros de día e residencias.

Con estes fondos tamén se organizan desde Federación Aspace Galicia actividades de información e sensibilización como poden ser a Conmemoración do Día Mundial da Parálise Cerebral ou o Concurso Anual de Cociña. Sen deixar de lado os proxectos de carácter formativo, organizativo e profesional.

No acto estiveron presentes todas as asociacións asinantes (Down Galicia, COGAMI, Fademga – Plena Inclusión Galicia, FEAFES Galicia, Autismo Galicia, FAXPG, Federación Alzhéimer Galicia e Fegadace) así como a conselleira Fabiola García que aproveitou para lembrar que todos podemos sumar co noso 0.7 % na declaración da renda, un simple xesto que supón unha gran repercusión na capacidade de resposta e axuda de todas os colectivos que traballan para a mellora na calidade de vida de persoas que por calquera motivo teñen limitada a súa autonomía persoal.

Facebook

Twitter